Malaysia Ah Taxi Driver Pa Nih Laimi Zuri Pathum Tha Lolak In A Hlen Hna Na Rel Dih Lo Cun Nai Fiang Lai Lo

Malaysia Ah Taxi Driver Pa Nih Laimi Zuri Pathum Tha Lolak In A Hlen Hna Na Rel Dih Lo Cun Nai Fiang Lai Lo

Laimi ko ko hi (thangchiat si loin) kan phaknak hmun poh ah kan zudin le kan saduh hi kan i thinh kho bak lo. Kan pipu hna nunphung kan thlau khawh lobik nak cu mah ka zawn te bak hi a si. Kan pipu hna chan ahcun mi leng ngeih zong ah zuu, mi va len zong ah zuu. Khat le khat i nawl phiar zong ah zuu. Saa kah khawh zongah zuu. Zuu.. zuu zuu

Nai teah Malaysia ah lai mi pa pathum cu an len nak ah kawl dawr ah zuu an va ding hna. Malaysia an phak hnuin an i ton lonak a sua cang i an i tong hmasa nak ni a si. An pathum in an biaruah a thaw i zuu zeizat remruam dah an din cang tihmanh an i thei ti lo. An ri chia hru cang.

An pathum inn kawl dawr incun an hung chuak. Lam hmanh an kal kho ti hna lo. Khat le khat an i kawng kawi hna. Malaysia tlaihkhih tamnak lak ah zuurit bu in inn tin lai cu a si khawh lo caah Taxi pakhat an i hlan. Taxi mawngpa cu kal an duhnak cu an chimh. Taxi mawngpa nihcun zuuri pathum cu phorh zong ah rak duh pah hna lo. Zuuri pathum cu mawtaw chungah an phak le phak lo zong an i thei ti lo.

Taxi mawngpa nihcun minung kal in kar 15 tluk hrawngah a kal pi hna hnuah nan duh nak hmun kan phan cang tum cang uh tiah a hlen hna i phaisa ceilak a hal hna. Zuuri pawl nihcun an ngaihmi phaisa a nek tete cu a rel zong rel ti loin a tom in an hei pek tawp. An rit buincun a mawtaw mawngh a reng bak tiah an i caih pah.

Taxi cungin an tum pah ah an hawi pa pakhat cu lam kam ah a tlu i a dang a hawi le nih an thei ti lo. Kan hawi pa hi dawtnak a ngei lo tak ve a kan tin tak diam tiah a dang a hawi le cu an zai len. A tangmi chungin an hawipa pakhat nih khua a zoh tthan hnuin Taxi mawngpa cun a val kal hnawh i a angki bak in a va rawt.

Taxi mawngpa cu ee..an ka theih cang ko hi ta tiah a lau tuk ve. Zuuri pa nih cun a thawh i na mawtaw mangh a reng tuk. Mi na kan that dih lai, hihnu ah va ral ring tiah a ti            By Lydia Par (Tawntawk)/ mizoviral

Leave a Reply

Your email address will not be published. Required fields are marked *