Nuamh le I lawmh Hi Kan Duh Cio An Duh Cio Ko Nain-Dr.Pari

Nuamh le I lawmh Hi Kan Duh Cio An Duh Cio Ko Nain-Dr.Pari

Nai teah ka nu bantuk ka ruahmi tarnu cu a lung a that lo caah operation tuahlo a ngah lo dirhmun a phan. Kanmah sii inn cu a man a fah tuk caah cozah sii inn ah va kal ko tiah ruahnak ka pek. Cozah sii inn kal cu a siarem lo caah kan sii inn ahcun operation an tuah. A hlaitu doctor le director cu “Ka pi a si ee” tiah ka ti i a man zong tam lak te a kan thumh.

Keimah umnak ICU ah a um i “nangmah thawngin sii inn ka phan ko hih” a ka ti ko. Tar a si cang caah a mawh lo.Phaisa tampi a dihmi a tuak tikah aa nuam lo mu ti kha a aw-an ah ka theih thiam. Sertu nih minung hi dawt dingah le amah dawtnak cotu dingah a kan ser. Thilri vialte hi phaisa telh in hman awk ah a ser mi an si. Hman awk tu hi kan dawt kan zangfah deuh i dawt ding tu hi a lettalam in hman (use) kan i tim mi nih kan nun a buaiter tawn.

Duhmi thilri ngah cu chikhatte mi a nuamhter ko. Sii inn kainak phaisa tlamtling ti ahkhan cun ai nuam ko. A dihmi kong a ruah ahkhan ai lawm ti lo. Lawmhnak timi cu duhmi vialte ngeih dih le tlamtlin dih hi a si bal lo. Ngeih chunhmi te cungah lunghmuih hi lawmh aa semnak a si. Cu bantuk lungput kan ngeih ahcun kan i lawm zungzal kho ko.

Ka pasal nih “nuamhnak cu mah tein kawl a hau. Cucaah manh caan ahcun sport ka tuah lai.Lawmhnak belte cu Krih chung ka nunnak ahhin a tling khitkhet cang” tiah a ka ti tawn. Kan i nuam hna maw? Kan ton mi kip ah kan lung ai lawm zungzal maw? Sertu nih cun i lawm zungzal hna seh ti a kan duh hi mu..

Note: A kongchia ceihmi siloin tonmi thil chungin bianabia ka lak mi a si.

Credit: Dr.Pari

Leave a Reply

Your email address will not be published. Required fields are marked *