Kan Fale Pathum Nih Ngaihchiatnak An Tonmi Kongah Thawngpang Thar

Kan Fale Pathum Nih Ngaihchiatnak An Tonmi Kongah Thawngpang Thar

Nizaan thla 7 suimilam 1:00 le 2:00 karlah ahkhan Dapchhuah ngakchia pathum 3 Rebecca Lalnunthar kum 4 Lalruatsangi kum 4 le Lalenkawli kum 3 hna cu lentecelh dingin tiah meh an kawl i an ke a hnawmh caah tiva te ah an ke an i ttawl i Lalnunthar kum 4 te nih a phanet tiva a thlak sual i a phanet ka char lai tiah a tinak ah ti ah cun a tla.

Dapchhuah khuami nih zaanghlei cawi in an kawl i khuadei tiang a kawl. Thla 8 ah Mamit MLA, Pu Er.H Laizirliana tiin Silpoulin zeimawzat le Petrol he an va telpi hna i, thil an herhmi vialte bawmh dingin timhtuahnak an ngei. Pawngkam khua hna nih zaanghlei cawi in an chuah cio hna i, nizaan tiangah a ruak i an hmu rih lo tiah theih asi. Nain tuzing thla 9 suimilam 9:00 ah khan ti a tlami Rebecca Lalnunthari ruak cu atlaknak in Km 1 ahlatnak ah an hmuh cang tiah theih asi. Zaangfak taktak an si.

Vanchiatnak a tongmi ti a tla mi hi alaimi nute Lalnunthari cu asi. Orhlei kam nute a sen daang deuhmi nute nih hin innleiah thawngthanh dingin a kal i angki sen nute nih hin tiva kam in cun an hawinu Lalnunthar cu a rak hngah ve. Ngakchiate an si ko nain an lungput le an thil tuahmi hi khuaruahhar ngai asi. Tantaak chungkhar Bawipa nih an ngaihchiatnak chungin hnem ko hna seh!

Leave a Reply

Your email address will not be published. Required fields are marked *